Екипата на Доброшти стигна до три бода во рамките на 3. коло на Трета лига регион 6, откако со минимални 0:1 славеше над Цетинска во гости, благодарение на голот на Милазим Вељии, кој беше единствен стрелец на мечот, а погоди во 64. минута.
Лирија со погодоците на Дритон Зеадини во 71. минута и Фехим Ислами во 80. минута со 2:0 славеше на домашен терен над Речица.
- ЦЕЛ НАТПРЕВАР: ЛИРИЈА – РЕЧИЦА:
Вардар Брвеница имаше убедлива победа откако на домашен терен со 7:3 убедливо го доби Градец. Ивица Костадиноски постигна хет-трик за својот тим, а по еден гол постигнаа Дарко Андоновски, Ивица Ангелески, Јован Богдановски и Марко Стојковски.
За гостинот стрелци беа Ељфат Ракипи, Сокол Исеини и Амар Илјази, а погодија во вториот дел од средбата.
Гостивар на домашен терен се соочи со тимот на Џепчиште, а епилогот од оваа средба беше реми без голови (0:0).
Јехона ги освои бодовите на гостувањето кај Скендербег откако славеше со 3:4. За домашниот тим во првиот дел погоди Незир Рамадани, а во вториот дел Ардит Аљиу и Арлинд Бајрами, за гостинот по еднаш погодија Албин Љимани и Албан Амити, а двоен стрелец беше Изаир Емини.
Вчера, Љуботен и Кораб ги поделија бодовите, а извештајот на Спортска Мрежа за тој меч е достапен овде.
