Третото коло во Трета лига регион 5 донесе голем број на погодоци на сите натпревари, а најголема победа имаше Влазерими Јуниор од Кичево, откако на домашен терен со 7:1 го декласираше новајлијата Чардак од Велгошти.
Двојни стрелци во високата победа за кичевчани беа Албулен Имери и Леонтин Бајрами, а за гостинот по еден гол постигнаа Арѓент Зибери, Нарт Усеини и Дрилон Зендели. За охридскиот тим единствен стрелец беше Климент Гиновски.
Караорман со 3:1 го доби Кравари на домашен терен во меч каде Ангел Крстески беше двоен стрелец за стружани, а еден гол беше дело на Стефан Крстески. За гостинската екипа единствен стрелец беше Стефан Каревски.
Света Троица со „петарда“ за Влазними, откако Охриѓани со 5:0 славеа на гостинот од Струга. Боге Бимбилоски и Никола Угриноски беа двојни стрелци, а еден гол беше дело на Бобан Кузмановски.
Преспа никако да победи, но барем освои бод, откако ланскиот второлигаш на домашен терен во Ресен одигра 3:3 со Могила. Меритон Шабановски, Неџми Реџепи и Нико Пластиновски беа стрелци за Преспа, а за гостинот погоди Мики Талевски во 16. минута, а Андреј Ристевски беше двоен стрелец.
Напредок во Ношпал носи три бода откако славеше над Баир Спорт во Логоварди со резултат од 4:5. За домашниот тим Рафаело Османов постигна хет-трик, а еден гол беше дело на Ерџан Фејзуловски, за гостинската екипа двоен стрелец беше Владе Јанакиевски, а по еден гол постигнаа Филип Кебаковски, Димитар Аќимовиќ и Димитар Николовски.т
Како што веќе објави Спортска Мрежа, вчера, Напредок од Кичево и Крошу Спорт ги поделија бодовите, извештајот од тој меч е достапен овде.
