Ран гол, пресврт и четири голови, но, сепак, немаше победник, Љуботен и Кораб ги поделија бодовите откако одиграа 2:2 на воведниот меч за отварање на третото коло на Трета лига регион 6.
Само минута време беше потребно за Кораб да го отвори резултатот во Тетово и да дојде до водство со голот на Амин Качалнику. Сепак, домашниот тим до крајот на првиот дел успеа да создаде шанси за гол и да направи комплетен пресврт.
Бојан Костадиновски во 27. минута го израмни резултатот, а пак Тео Симњановски во 38. минута беше прецизен за 2:1 на полувреме. Во вториот дел гостинот од Дебар преку голот на Емсал Рашид во 60. минута го израмни резултатот на 2:2.
До крајот и двете екипи немаа сили за трет гол, со што ги поделија бодовите.
За Љуботен ова е прво реми, а тетовскиот тим претходно имаше пораз и победа и со четири бодови е на четвртото место, а со ист ефект е и тимот на Кораб.
Колото ќе се затвори утре со останатите средби.
