Пелистер е нов лидер во Втората македонска фудбалска лига, барем до четврток, кога ќе бидат одиграни двата одложени мечеви од 2. коло кои може да направат промени во врвот од табелата.
Шестото коло направи одредени промени на табелата, а некои екипи имаат и сериозен прогрес како Новаци, кој сега е дури на седмото место.
Беласица заборави да победува и нанижа четири ремија во низа, а пак Детонит Плачковица со втор пораз во низа и в четврток против Охрид ќе нема право на грешка.
Новаци со два победи во низа претрка неколку екипи на табелата кои иако беа пред овој клуб, сега се зад него.
Очајот на Шкупи продолжува и во Втората лига, а тимот од Чаир е блиску да го доживее сценариото на Борец и да заврши во Трета лига, па во две сезони од Прва тимот на Шкупи да биде во третолигашката конкуренција.
Осогово имаше сили само за бод откако ремизираше против Тетекс во Тетово, но со тој бод не се помести од претпоследната позиција на табелата, а бидејќи следното коло ќе игра дерби со Еуромилк ГЛ на домашен терен, „жетварите“ ќе треба добро да размислат – како да го победат конкурентот за бегство од опасната зона, бидејќи со нов пораз ќе бидат во лоша ситуација.
Пред стартот на седмото коло ќе следува репрезентативна пауза, која ќе биде добредојдена за некои промени, со цел по истата да се собираат бодови за прогрес кон горниот дел од табелата.
