Тиверија Брера убедливо го декласираше Кочани на домашен терен со 8:1 во меч од 5. коло на Првата женска фудбалска лига.
Теона Галабовска, Билјана Панеска и Павлинка Николовска постигнаа по два гола, а по еден гол Ивана Илиева и новото засилување Одуро Христабел Оппонг.
За гостинот единствен стрелец беше Лина Мицовска.
Шампионот Скопје со голот на Бесарта Фида славеше над Вардар, откако истиот беше постигнат во 85. минута.
За Вардар ова е петтиот пораз од толку натпревари.
Љуботен ја декласираше Речица во гости со 2:8, во меч каде Улза Максути пет гола, а по еден постигнаа Хава Мустафа, Калина Попески и Михаела Додевска.
За домашниот тим стрелаа Анѓела Петковска и Леона Спасовска.
Каменица Саса го доби дербито со Истатов во гости со резултат од 1:3. Сите погодоци беа постигнати во вториот дел.
Двоен стрелец за гостинот беше Јована Петрушовска, а еден гол постигна капитенот Ана Димитровска. За домашниот тим Михаела Ивановска го ублажи поразот во 90. минута.
Колото ќе се комплетира со одложениот меч меѓу Ас Јунајтед и Пелистер.
