Овче Поле тргна убедливо во новата сезона на Трета лига регион 3 откако во првото коло славеше до 11:0 над Тиверија.
Тоше Манов постигна четири погодоци, по два погодици постигнаа Давид Велковски и Ѓорѓи Султанов, а по еден гол постигнаа Боце Ефремов, Андреј Славевски и Стефан Антониев.
Малеш го декласираше Ударник од Пирава на домашен терен со 4:1, откако Тони Мичковски постигна хет-трик, а еден гол беше дело на Драган Буровски, а за гостинот погоди Крсте Тодоров.
Во дербито на двата лански второлигаши Каменица Саса со убедливи 4:1 го декласираше тимот на Слога од Виница.
По еден гол за “рударите” постигнаа Драган Паунов и Филип Николовски, а двоен стрелец беше Филип Спенџарски. За гостинот од Виница единствен стрелец беше Михаил Воинов.
Карбинци доживеа висок пораз во Валандово откако загуби од Победа со 3:0. Двоен стрелец беше Никола Костадинов, а еден гол постигна Стојанчо Наков.
Новајлијата Огражден со деби победа во Трета лига откако во Ново Село со 3:0 славеше над Дојранско Езеро.
Роберт Јанев и Александар Черкезов беа стрелци за двојна предност на полувреме, во вториот дел погоди Спасе Терзиев.
Во дербито во Делчево на поранешните прволигаши Делчево и Хоризонт Турново. Марио Атанасовски постигна хет-трик за домашните, за гостите стрелаа Васко Коцев, Васко Трајков и Александар Коцев.
