Нашиот најдобар автомобилист, Игор Стефановски – Иџе, викендов ја отвора новата сезона во Словенија, а на првата трка ќе настапи со својот нов болид.
Стефановски годинава ќе се натпреварува во најбрзата и најпрестижната категорија на Европскиот шампионат – Категорија 2, која е наменета за болиди и прототипи и во која настапуваат најмоќните машини специјално конструирани за ридски патеки.
За Иџе ова ќе биде историска сезона, бидејќи за првпат ќе се натпреварува со својот нов Nova Proto NP01, ултрамоќен прототип со врвна технологија и перформанси кои во голема мера потсетуваат на болидите од Формула 1.
„Словенија ќе биде мојот најнов предизвик. Ќе се тркам со мојот нов болид. Сакам да ги почуствувам новите перформанси на новата машина. Затоа и одлучив да се тркам на оваа трка во во Илирска Бистрица – Словенија. “ – вели Иџе.
Македонскиот автомобилист со новата машина влегува со големи амбиции во сезоната и ќе се обиде повторно да биде меѓу најдобрите во европската конкуренција.
Првата трка во Словенија ќе биде вистински тест за Иџе и неговиот нов прототип, но и почеток на ново поглавје во неговата успешна кариера.
Тимот на Видеолотарија Касинос Австрија и во новата сезона останува силна поддршка за нашиот најдобар автомобилист. Од тимот веруваат во неговите квалитети, искуство и потенцијал и очекуваат нови големи резултати на европската сцена.
