Македонскиот одбојкарски шампион Штип УГД ја продолжи соработката со уште двајца клучни играчи за новата сезона во која ќе треба да се брани двојната круна.
Михајло Мирасчиев и Стојче Арсов остануваат верни на Штип УГД и во иднина.
Мирасчиев стави потпис на договор во време траење од една година, додека пак Арсов верноста со Штип УГД ја продолжи за следните три години.
Македонскиот шампион се подготвува и за првиот европски предизвик, квалификации за ЦЕВ Лигата на шампиони каде за противник го има шампионот на Холандија, Орион Старс.
