Вечерва беа одиграни два од три натпреварит на Новогодишниот турнир во мал фудбал „Куклиш 2024“, откако не се одигра последниот меч меѓу Баламов Компани со Баджо Компани, со што тимот на Баламов Компани овој меч го добива со службени 3:0.
Првиот меч меѓу СВР Струмица и Фурна Марфи заврши без победник во регуларниот дел откако двете екипи ремизираа играјќи 2:2. За струмичкиот тим стрелци беа ФилипЗиламов и Серафимчо Тасев, додека пак за радовишкиот тим двоен стрелец беше Андреј Тимов.
Во вториот меч Баламов Компани со 10:0 го декласираше тимот на Куклиш во меч на тотална доминација каде Христијан Бејков постинга хет-трик, Кире Стојков даде два гола, а по еден гол постигнаа Иле Баламов, Оливер Маринковиќ, Крсте Тодоров и Марјан Ристовски.
Утре на програмата ќе бидат нови три натпревари од 19:00 часот меч на јуниорите на Куклиш генерација 2012 – 2013, од 20 часот ЕАМ Дзурдзу против Винарија Здравко, а од 21 часот Вистони ЖП против Дрвош.
БИДЕТЕ ДЕЛ ОД НАШИОТ ТЕЛЕГРАМ КАНАЛ –КЛИКНИ ЗА ФУДБАЛСКА ДЕБАТА
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
