Екипата на Теткес стана есенски шампион во Третата македонска фудбалска лига – Запад, откако со 12 одиграни натпревари забележа десет победи и две ремија со вкупно 32 бодови на своето конто за прво место во есенскиот дел.
Најблсику до Тетекс заврши Влазерими, екипа која две година во низа е шампион во овој третолигашки регион, но не успева да ги помине баражите. Кичевскиот тим е на второто место со 28 бодови, но има меч помалку во однос на тетовскиот тим.
„Штофарите“ минатата сезона испаднаа од Втора лига и сега сакаат експресно да се вратат во Втората лига.
На последниот меч одигран во есенскиот дел Тетекс со минимални 1:0 ја доби Речица, а на овој меч Славчо Мисајловски стана најмладиот дебитат за Тетекс, кој со 16 години и два дена се впиша во историјата на „штофарите“.
