Третолигашот БВК Коњаре е решен годинава да гради тим за влез во Втората македонска фудбалска лига, а за таа цел беше претставен Иљаз Чилафи како најново име, а пристига од новиот прволигаш Шкендија Арачиново.
Се работи за 28-годишен искусен лев бек кој покрај за Шкендија Арачиново настапуваше и за Слога ВИница, Брегалница, Брера Струмица, Детонит Плачковица, Воска Спорт, Тетекс, Гостивар, Шкендија од Тетово, Струга Трим Лум, Беса од Добри Дол, Работнички и Вардар од каде и ја започна кариерата.
Чилафи во сезона 2017/2018 ја освои шампионската титула во Првата македонска фудбалска лига.
БВК Коњаре ќе се натпреварува во Трета лига регион 1, тоа е новиот скопски регион, а целта на тимот ќе биде шампионски пехар и преку бараж да се бара влез во Втора лига.
