Убедлива победа забележа екипата на Овче Поле, која на пријателски натпревар славеше со високи 5:1 против тимот на Борец.
Дуелот се одигра во период кога двете екипи беа слободни во своите првенства, па истиот послужи како добра проверка на формата и за двете страни.
Овче Поле прикажа подобра игра и целосно го контролираше натпреварот, што резултираше со убедлив триумф.
Стрелци за тимот од Свети Николе беа Ѓорѓи Султанов, Мирон Илиевски, Тоше Манов, Боце Ефремов и Дени Андонов.
Екипата од Свети Николе продолжува со амбициите за врвот во Трета лига – Исток, каде што се бори за шампионската титула и бараж за пласман во Втората лига со лидерот Победа Валандово.
Од друга страна, Борец веќе ја обезбеди шампионската титула во Трета лига – Југ и го очекува баражот за враќање во Втората лига, каде ќе се обиде да го потврди својот квалитет и да се врати меѓу второлигашите.
