Охрид вечерва преку пенали славеше над Целје и ќе игра финале во ЕХФ Европскиот куп против Татабања и ќе се бори за својот прв европски трофеј во клупската историја.
Неверојатен е прогресот на напредокот на клубот покрај Охридското Езеро, неверојатни се резултатите, вложувањата, организацијата на клубот… со еден збор Охрид ги има најдобрите денови во својата историја со силна поддршка од општината и градоначалникот Кирил Пецаков и од сите спонзори и поддржувачи.
Охрид ќе биде шестиот македонски тим кој ќе се бори за европска титула, претходно, Вардар двапати ја освојуваше Лигата на шампион, Еурофарм Пелистер има играно финале во ЕХФ Челинџ Купот во сезона 2001/2002, Алкалоид минатата сезона играше финале и го освои ЕХФ Европскиот Куп, во женска конкуренција европско финале имаат играно Кометал Ѓорче Петров и Вардар.
Вечерва време е за славје, вечерва Охрид ќе ги поздрави своите „гладијатори“.
