Утре ќе биде одигран пријателски меч меѓу Овче Поле и Борец, кој ќе се одигра на Градскиот стадион во Свети Николе со почеток од 17 часот.
Борец е лидер во Трета лига – Југ и сигурно оди во баражот за Втора лига, а овој викенд е слободен, додека тимот на Овче Поле е лидер во Трета лига – Исток и веќе две кола во низа е слободен, а екипата ќе биде слободна и во оваа коло, па од таа причина и ќе биде одигран и овој контролен меч за да може екипите да ја одржуваат формата.
За екипата од Свети Николе ова е голем проблем, бидејќи излегува од натпреварувачки ритам.
Овче Поле ќе го чека исходот од мечот меѓу Малеш и Победа Валандово во Берово, ако тимот од Валандово триумфира тогаш ќе се врати на врвот, а Овче Поле ќе биде втор.
