Охрид славеше на гостувањето кај Еурофарм Пелистер (27-26) во драматичен меч кој беше решен во последните секунди, со голот на Тилен Стрмљан.
Натпреварот беше изедначен, со подобар старт на домаќините, но во второто полувреме охриѓани заиграа поцврсто, особено во одбраната, и го свртеа текот. Во самиот финиш, кога сè беше отворено, следеше моментот на одлука.
По мечот, својот став го даде десниот бек на охриѓани, Давид Савревски, кој нагласи дека пресудна била реакцијата на тимот во вториот дел и тимската игра.
,,Навистина тежок и изедначен натпревар. Во првото полувреме имавме грешки и некако бевме во грч, но во вториот дел покажавме карактер, ја презедовме контролата и одигравме поцврсто во одбраната. Мислам дека желбата за победа и тимската игра пресудија на крајот.”- изјави Савревски за Спортска Мрежа.
Со оваа победа, Охрид се израмни по бодови со Еурофарм Пелистер и најави жестока борба за втората позиција до крајот на сезоната, а доколку продолжи со вакви изданија, тимот има сериозни шанси да направи голем исчекор.
