Мега дерби ќе се одигра во Пирава меѓу Ударник и Овче Поле, тежината на мечот е голема за што е делегиран искусен прволигашки судија – Димитар Пилешков ќе го суди дербито на 16. коло на Трета лига – Исток.
Овче Поле максимално подготвен, мотивиран и во победничка форма во обид да ги освои бодовите во Пирава и со тоа да биде на чекор од баражот за Втора лига. Тимот од Свети Николе сака да го повтори успехот од сезона 2021/2022 кога беше шампион, но доживеа тежок пораз во баражот од сега веќе прволигашот Арсими.
Ударник не ја прикажува играта според есенскиот дел, а пак Овче Поле има пролетен полет и изби на врвот, до душа има два меча повеќе од Победа Валандово и пет бодови, што значи дека не е ништо решено, но „овчарите“ ги добија „калинкарите“ минатиот викенд.
За Ударник ова ќе биде последниот воз да се фати приклучок за челната позиција, со пораз ќе спласнат шансите на амбициозниот Ударник за уште една третолигашка сезона.
Мечот во Пирава стартува во 15 часот – Ударник го предизвикува лидерот Овче Поле, „овчарите“ доаѓаат по бодови од „пиратите“.
