Ракометарите на Охрид испишаа историја со пласманот во полуфиналето на Купот на ЕХФ, откако во два неизвесни и борбени натпревари го елиминираа силниот состав на Олимпијакос.
Веднаш по мечот и пласманот во полуфиналето, во изјава за Спортска Мрежа, своите впечатоци ги сподели централниот бек на Охрид, Тилен Стрмљан.
Стрмљан потенцираше дека двомечот против Олимпијакос бил исклучително тежок, но нагласи дека желбата и мотивацијата на охридскиот тим биле пресудни за историскиот успех. Според него, токму поголемата желба за пласман во полуфиналето, не само за клубот туку и за навивачите, го направила клучниот момент во овој двобој.
„Два многу тешки натпревари, како што знаевме и претходно- Олимпијакос е фантастична екипа со многу добри играчи. Но, сепак мислам дека ние бевме тие кои повеќе го посакуваа тоа европско полуфинале- за Охрид и сите овие луѓе тука..и мислам дека на крајот, тоа и пресуди во овој двомеч.”- изјави Стрмљан за Спортска Мрежа.
Желбата, борбата и поддршката од трибините се покажаа како клучен фактор за Охрид, кој сосема заслужено продолжува да ја пишува својата европска приказна.
Охрид покажа карактер, квалитет и победнички менталитет, а токму желбата и заедништвото го однесоа тимот меѓу најдобрите четири во Европа.
