Екипата на СЕЕ Униерсити однесе висока и убедлива победа откако на домашен терен во рамки на 13. коло во Втората футсал лига со 9:3 го совлада тимот на Каршиака на патот кон влез во Првата футсал лига.
Најрасположен за погодоци беше Едис Муртезани кој постигна четири погодоци, а пак со по еден гол во листата на стрелци се запишаа Хисен Мемеди, Меритон Халими и Дријарт Саити.
За гостинската екипа стрелци на погодоци беа Бујамин Асани кој погоди во 5. минута, а пак во вториот дел стрелаа Сеад Јакупи и Нехат Емини.
СЕЕ Университи сега е сигурен на второто место, а првите две екипи имаат директен влез во Прва лига.
Во Брвеница беа постигнати девет гола за славје на домаќинот Партизан Југ од 6:3 над Фудбал Старс од Кочани. Искусниот Даниел Радески постигна хет-трик за екипата на Партизан Југ, Даниел Јандриески имаше два гола, а Новаци Костадиноски се запиша во листата на стрелци со еден гол постигнат во 16. минута.
За гостинската екипа од Кочани во 3. минута погоди Славче Живков, а во вториот дел стрелаа Давид Тренчев и Јован Стојанов.
Утре на програмата се два меча, а колото се затвара дури во вторник со мечот во Кавадарци меѓу Црна Река и Конзули.
