Продолжува победничката форма на Скопје во Втората македонска фудбалска лига, со што „пиратите“ од Автокоманда сега се на минус два од лидерот Охрид и продолжуваат да го напаѓаат врвот за директен влез во Прва лига.
Тимот на Александар Таневски има четири од четири во пролетниот дел и освоени 12 бодови со кои сега второлигашот од Автокоманда сака директен влез во елитата.
На мечот со Осогово, екипата на Скопје имаше силна поддршка од трибините и верните „пирати“ кои даваат силна поддршка на својот миленик на патот кон враќање во елитата.
Скопје со победа од 0:4 над Слога во Виница го отвори пролетниот дел, а потоа славеше против Беласица (1:0) на домашен терен, а ја доби и Шкендија Арачиново во гости (1:2), додека пак на домашен терен со 2:0 славеше и над Осогово.
Ако се земе фактот што Скопје на домашен терен ќе игра и со Охрид, Брегалница, Детонит Плачковица, тогаш дефинитивно „пиратите“ имаат распоред кој им оди во прилог и ќе решаваат на домашен терен со конкурентите за да бидат шампион во Втора лига и следната сезона сигурно да играат во Прва лига, односно да се избегне баражот.
Едно од потешките гостувања за Скопје може да биде само против Новаци.
- ЦЕЛОСЕН РАСПОРЕД НА СКОПЈЕ ДО КРАЈОТ НА СЕЗОНАТА
20 коло Победа – Скопје (гости)
21 коло Скопје – Кожуф (дома)
22 коло Вардар Неготино – Скопје (гости)
23 коло Скопје – Брегалница (дома)
24 коло Новаци – Скопје (гости)
25 коло Скопје – Каменица Саса (дома)
26 коло Преспа – Скопје (гости)
27 коло Скопје – Охрид (дома)
28 коло Тетекс – Скопје (гости)
29 коло Големо Коњари – Скопје (гости)
30 коло Скопје – Детонит Плачковица (дома)
