Познати судиите за првото пролетно коло односно 16-тата рунда од Втората фудбалска лига. Фудбалската федерација на Македонија (ФФМ) ги делегираше судиите кои ќе ја делат правдата на осумте натпревари.
Тетекс на домашен терен ќе игра со Вардар Неготино, а главен судија ќе биде Дејан Младеновски, негови асистенти ќе бидат Горан Милошевски и Бесар Абдули, а пак Бардхиљ Ибраими ќе биде четврт судија. Горан Илиќ ќе биде делегат, а Бурханедин Салихи контролор.
Соочување во Гевгелија меѓу Кожуф и Брегалница ќе го суди Боби Величков, а ќе му асистираат Роберт Црвенов и Александар Ајдаров, а пак Јордан Јовановски ќе биде четврт судија. Делегат на средбата ќе биде Николче Ивановски, а Љубе Ристевски ќе биде контролор.
Победа ќе игра против Новаци на домашен терен, а правда ќе дели Ангелчо Ристов, а ќе му помагаат Ване Дупкаров и Ване Данилов, а пак Ангел Гелов ќе биде четврт судија. Алајдин Асани ќе биде делегат, а Сашо Иванов контролор.
Дербито на Истокот во Кочани меѓу Осогово и Каменица Саса ќе го суди Благојче Ралевски, а помошници ќе бидат Петар Степановски и Николче Дрнковски, а Дарко Котевски ќе биде четврт судија. Делегат ќе биде Драган Иванов, а контролор Горан Манасиев.
Спире Арсов ќе им суди на Шкендија Арачиново и Преспа, а ќе му помагаат Богданчо Ѓеоргиев и Петар Михаилов, а пак Дарко Стојанов ќе биде четврт судија. Цане Будимов на овој меч ќе биде делегат, а Горан Ангелески ќе биде контролор.
Дербито во Струмица меѓу Беласица и Охрид го доби Доне Ристовски, а ќе му помагаат Иван Танев и Стефан Митров, а пак Блаже Петковски ќе биде четврт судија. Дарко Китановски ќе биде делегат, а пак Сашко Ангелов ќе биде контролор.
Натпреварот во Виница меѓу Слога и Скопје е го суди Крумислав Ѓоргиев, а ќе му асистираат Александар Гигов и Зоран Саздовски, а Здравко Костовски е четврт судија. Илија Поп-Костов е делегат, а контролор на овој меч ќе биде Ѓорги Карајанов.
Натпреварот во Радовиш меѓу Детонит Плачковица и Големо Коњари ќе го суди Ненад Тодоровски, а ќе му помагаат Стефан Стојановски и Виктор Здравев, а пак четврт судија ќе биде Борче Павловиќ. Лазар Проданов ќе биде делегат, а Бранко Величковски ќе биде контролор.
Сите натпревари од 16. коло на ВМФЛ стартуваат во 14 часот.
