Познати се судиите кои ќе ја делат правдата на натпреварите од 19. коло на Првата лига, кое беше отворено денес во Струмица со мечот меѓу Брера и Работнички, кој заврши со триумф за „романтичарите“ од 3:4.
Правда на натпреварот меѓу Вардар и Башкими ќе дели Бењамин Ќерими, а негови асистенти ќе бидат Гоце Петрески и Даниел Василевски, додека пак четврт судија ќе бидат Игор Стојчевски.
Во ВАР собата ќе бидат Фатмир Бафто и Мишо Ѓоргиески, а оператор за повторување на снимката ќе биде Деан Стефков. Антонио Насевски ќе биде делегат, а пак Никола Караколев контролор.
Влатко Илиоски ќе им суди на Пелистер и Струга Трим Лум, а помошници ќе бидат Борис Трајков и Дино Конески, а пак четврт судија ќе биде Кирил Смоквоски.
ВАР судии ќе бидат Александар Урошевиќ и Дарко Видиниќ, а оператор за повторување на снимката ќе биде Матеј Димитриевски. Делегат на мечот ќе биде Жанко Савов, а Димитар Мечкаровски контролор.
Средбата меѓу Шкупи и Арсими ќе ја води Александар Василевски, негови помошници ќе бидат Бојан Иваноски и Мартин Дејаноски, а пак четврт судија ќе биде Александар Урошевиќ.
ВАР Судија ќе биде Александар Грујоски, а пак АВАР судија ќе биде Вјолца Изеири. Делегат е Дритан Бакали, а контролор Илир Сеља.
Во Кратово каде ќе играат Силекс и Шкендија главен судија ќе биде Стојанче Трпчевски, а негови асистенти ќе бидат Тоше Ицев и Драган Трпчевски, а пак Ндерим Тефику ќе биде четврт судија.
Во ВАР собата ќе бидат Игор Стојчевски и Мартин Петковски, а пак оператор за повторување на снимката ќе биде Петар Мукоски. Делегат ќе биде Тони Петков, а пак Јосип Бартон контролор.
Македонија ЃП на домашен терен ќе игра со Тиквеш, а правда ќе дели Фуркан Идризи, него ќе му помагаат Дарко Јовчевски и Идриз Идризи, а четврт судија ќе биде Пларент Салихи. Во ВАР собата ќе бидат Влатко Илиоски и Владимир Митревски, а оператор за повторување на снимката ќе биде Виктор Васев.
За делегат е одреден Раде Гроздановски, а за контролор Сашо Лазаревски.
