Црна Река со триумф ја започна новата сезона во Втората футсал лига, а тимот од Кавадарци сигурно е дека ќе цели кон враќање во елитата, откако минатата сезона испадна од Првата лига.
На домашен терен Црна Река со 5:2 славеше висока победа над Каршиака. На полувреме домашниот тим имаше два гола предност, а во вториот дел формално одигра. Никола Димов постигна три гола за Црна Река, а по еден гол постигнаа Горан Соколов и Димитар Чоков, додека пак за гостинот стрела Нехат Емини и Садам Куртиши.
Ланскиот прволигаш Железарец со убедливи 4:2 го доби дебитантот Фудбал Старс Ауто Велт од Кочани на домашен терен. Победата беше најавена уште во првиот дел кога домашниот тим имаше 4:1 на полувреме.
Дејан Кајсторовски го отвори резултатот во 9. минута, а само една минута подоцна Славче Живков израмни на 1:1. До крајот на првиот дел Мартин Калчев постигна хет-трик. Во вториот дел Драган Трајчов го ублажи поразот на 4:2.
Натпреварот меѓу Овче Поле и Конзули од Битола не се одигра, бидејќи гостинската екипа не се појави во спортската сала „Цар Самоил“ во Свети Николе.
Како што веќе информираше Спортска Мрежа, вчера беа одиграни два натпревари. Партизан Југ во Брвеница со 11:2 го декласираше Карадаку, а пак СЕЕ Университи со 4:9 загуби дома од Кратово.
