Започна новата сезона во Втората футсал лига со два воведни натпревари кои се одиграа денес.
Екипата на Партизан Југ на домашен терен во Брвеница со убедливи 11:2 го доби тимот на Карадаку и на доминантен начин ја започна новата сезона.
Хет-трик за домаќинот имаше Антонио Ѓорѓевски, а пак двоен стрелец беше Тео Симњановски, во листата на стрелци за домашниот тим со по еден гол се запишаа Ивица Ангелески, Синиша Симјаноски, Даниел Радески, Даниел Јандриески, Марко Стојковски и Марко Спироски.
За гостинскиот тим двоен стрелец беше Шабани Валмир кој стрелаше во првиот дел.
Кратово со триумф над тетовскиот СЕЕ Университи ја започна новата сезона, откако на гостински терен бше подобар со убедливи 4:9.
Хисен Мемеди постигна хет-трик за домаќинот, а стрелец на еден гол беше Самир Рамадани. За гостинската екипа хет-трик постигна Димитар Стојановски, двојни стрелци беа Драган Стефанов и Ѓорѓи Ивановски, а пак еден гол постигна Давид Стојановски, додека пак Адис Фетаи од домашната екипа во 12. минута си постигна автогол.
Денес Овче ПОле ќе се соочи со Конзули, додека пак во недела Црна Река ќе биде домаќин на Каршиака, Железарец ќе игра со новајлијата Фудбал Старс од Кочани.
Во рамки на првото воведно коло слободна ќе биде екипата на ССК Скопје.
