Шестото коло во Втората женска фудбалска лига донесе очекувани високи резултати за фаворитите.
Најголема победа забележа Билјанини Извори од Охрид, на гостински терен во Велес со 0:14 го декласираше инфериорниот Борец. Ева Андонова беше во полн елемент со постигнати пет погодоци, хет-трик за Викторија Стојаноска, а пак Стефанија Ристова беше двоен стрелец.
По еден гол за Билјанини Извори во Велес постигнаа Марија Бојкова, Зорица Бојкова и Марија Јулчовска.
Фаворитот Конзули лесно се справи со Плачковица откако запиша победа од високи 0:8. Поранешната репрезентативка Мила Талевска постигна четири погодоци, двапати погодоци Мелица Милица Димитриоска, а по еден гол постигнаа Стефани Јовановска и Тамара Нешковска.
Екипата на Порече како на тренинг меч го доби Слободен, кој немаше капацитет да парира на фаворитот од Македонска Брод, па забележа пораз од 1:8.
Капитенката на гостинскиот тим Јована Ѓорѓиоска Блажеска постигна пет погодоци, а по еден гол постигна Драгана Гегова, Милица Јовеска и Сара Матеска. За домашниот тим утешен гол во 44. минута постигна Симона Тасевска.
Во 65. минута капитенот на домашниот тим Нина Алексовска и Тајна Грозданоска од гостинскиот тим заработија директни црвени картони поради физички напад.
