Ново признание за македонските судии од страна на УЕФА. Наши арбитри повторно добија доверба да судат на европска сцена, овојпат во рамките на младинската Лига на шампиони (UEFA Youth League).
Главен судија на натпреварот меѓу Фиорентина и Легија Варшава У-19 ќе биде Игор Стојчевски, додека негови помошници ќе бидат Вјолца Изеири и Тоше Ицев, а мечот се игра во Фиренца, Италија.
Овој ангажман претставува уште една потврда за континуитетот и угледот што македонските судии го уживаат во европските фудбалски кругови.
Натпреварот ќе се одигра на 5 ноември (среда), а за нашиот судиски тим тоа ќе биде уште една вредна меѓународна проверка и можност за дополнително докажување на големата сцена.
