Нов меѓународен предизвик за македонските фудбалски судии и уште едно признание од УЕФА за нивната квалитетна работа. Нашиот судиски тим доби доверба да ја дели правдата на реванш натпреварот од младинската Лига на шампиони (UEFA Youth League) помеѓу Будуќност и Митјиланд.
Главен судија на мечот ќе биде Влатко Илиоски, а негови асистенти Разме Бакрачевски и Роберт Црвенов, сите од Македонија. Натпреварот ќе се одигра на 5 ноември (среда) на Градскиот стадион во Подгорица, каде домашниот тим ќе се обиде да ја анулира негативата од првиот дуел.
Ангажманот на македонските арбитри во младинската Лига на шампиони претставува уште една потврда за довербата што УЕФА ја има во нивниот професионализам и прецизност на европската сцена.
