Фудбалската федерација на Македонија (ФФМ), во соработка со потпретседателот Марјан Стојкоски – Манта, донираше возило на ЈЗУ Општа болница со проширена дејност „Борка Талески“ во Прилеп. Оваа донација претставува значаен придонес за подобрување на условите за работа и полесна мобилност на медицинскиот персонал во секојдневното обезбедување здравствена грижа.
Од болницата изразија искрена благодарност до ФФМ и до потпретседателот Стојкоски за вредната поддршка, нагласувајќи дека ваквите гестови се доказ дека спортот и општествената одговорност одат рака под рака.
„Вашата поддршка е поттик за сите нас да продолжиме со уште поголема посветеност и грижа кон пациентите и заедницата,“ стои во благодарницата од раководството на установата.
Со овој хуман чекор, ФФМ уште еднаш потврди дека покрај спортскиот развој, активно придонесува и за општото добро во локалните заедници низ државата.
