Во рамките на 8. коло од македонската Супер лига, екипата на ГРК Охрид ќе гостува кај РК Прилеп. Натпреварот е закажан за сабота (18 октомври) во спортската сала „Ристе Ричкоски Ричко“, со почеток во 18:30 часот.
Охриѓани неделава работеа интензивно, подготвувајќи се за новиот првенствен предизвик, по успешното издание во ЕХФ Европскиот куп.
Голманот Бојан Блажески очекува добра игра и позитивен резултат, истакнувајќи го фокусот на дефанзивниот сегмент:
„Напорно работевме оваа недела после успешно поминатото коло во ЕХФ Европскиот Куп. Се подготвуваме, анализираме. Главен акцент на натпреварот ќе биде ставена одбраната што ќе ни помогне во транзицијата во играта. Се надеваме на позитивен резултат.“
Екипата на ГРК Охрид со оптимизам патува за Прилеп, со јасна цел – да го продолжи позитивниот ритам и да се задржи во горниот дел од табелата.
