По триумфот на ГРК Охрид против Баку со 44-11, Гоце Ојлески го пофали тимот за вложениот труд и убедливата победа.
Тој, во кратка изјава за Спортска Мрежа, истакна дека ракометарите не го потцениле противникот и влегле максимално подготвени во мечот, што резултирало со висока победа.
,, Честитки за момците, за залагањето и за убедливата победа. Мислам дека не го потценивме противникот, дека влеговме како што треба во овој натпревар и извојувавме една висока победа. Нашата цел е да стигнеме високо во Европската лига, колку што можеме подалеку, така што ја очекуваме ждрепката за третото коло и се надевам дека ќе прикажеме добра игра оваа сезона. “- изјави Ојлески.
Со овој резултат, Охрид ја потврди својата форма и сериозниот пристап кон европските натпревари.
