Останато

Годишен семинар за одбојкарски судии и делегати ќе се одржи викендов во Охрид

Сподели
ФОТО: ОФМ
Сподели

Судиската организација при Одбојкарската федерација на Македонија на 27 и 28 септември во хотелот „Пела“ во Охрид ќе го одржи редовниот годишен едукативен семинар за судиите и делегатите во пресрет на новата натпреварувачка сезона 2025/26.

Семинарот, кој е задолжителен, има за цел континуирано професионално унапредување на судиите, размена на искуства, усогласување со актуелните и новите меѓународни правила, како и спроведување на задолжителното тестирање за активните судии и делегати.

Главен предавач ќе биде Зорица Бјелиќ од Србија – ФИВБ инструктор, истакнат меѓународен судија и актуелен судиски делегат со долгогодишно искуство во едукација на судии на највисоко ниво. Таа ќе одржи четири предавања, меѓу кои и темата: „Интерпретација на новите правила во врска со двојно одигрување на играта и позиција на играчите“. За ова предавање беа поканети и тренерите од државните лиги на ОФМ.

Покрај редовната едукација, Судиската организација отвори и јавен повик за нови судии, а интерес пројавија десет кандидати. За нив ќе одржат предавања националниот судија Александар Цеков и меѓународната судијка Елеонора Петровска.

Како дел од семинарот, ќе се спроведе и редовното годишно тестирање, кое е од особено значење бидејќи резултатите директно влијаат на рангирањето и ангажманот на судиите и делегатите во текот на новата сезона во националните првенства.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм Пелистер приреди вистински спектакл во салата „Боро Чурлевски“, совладувајќи го германскиот...

Ракомет

Андоновски: Со борба до последен здив за секоја топка, одиме по првата сезонска победа против Струга!

В сабота од 18 часот салата „Млаз“ во Богданци повторно ќе се наполни до последното место за мечот меѓу Младост и Струга од...

Поврзани написи
Останато

55. „Златен гонг“ успешно реализиран, три бронзи за македонските боксери

Јубилејното 55. издание на меѓународниот боксерски турнир „Златен гонг“ успешно се одржа...

Останато

Карловарско ја продолжи соработката со македонскиот капитен Никола Ѓоргиев

Капитенот на машката одбојкарска репрезентација на Македонија, Никола Ѓоргиев, и во новата...

Останато

Благодарница за министерот Ристовски за поддршката и придонесот во одржувањето на Скопскиот маратон

Во име на организаторите на Скопскиот маратон, генералниот секретар на Сојузот на...

✕
error: Содржина е заштитена! Се забранува копирање на истата!