Денес на патеката Матка се одржа четвртото коло од Светскиот куп во спуст на дива вода. На реката Треска настапија 113 натпреварувачи од 19 земји и 2 континенти, кои ја почувствуваа моќта на брановите и адреналинот што го носи овој екстремен спорт.
Утре на истата патека ќе се вози петтото и последно издание на овогодишниот Светски куп, во кое ќе бидат прогласени најдобрите во генералниот пласман за 2025 година. Македонија е домаќин на финалните натпревари, што дополнително ја зголемува важноста и престижот на ова спортско случување.
Утре квалификациите ќе започнат во 9:30 часот, а финалните трки ќе се одржат од 12:30 часот, потоа следува прогласувањето на најдобрите кајакари на овој светски куп.
