Во хотелот „Александар Палас“ во Скопје се одржа состанок на клубовите од Првата лига – мажи, на кој беше извршена ждрепката за натпреварувачките броеви во пресрет на новата сезона 2025/26.
Прволигашкото друштво годинава ќе брои 12 екипи, откако Вардар 1947 не поднесе пријава за настап во најсилната машка конкуренција.
Ждрепката донесе интересни дуели уште во првото коло. Актуелниот шампион Струмица 47&72 на домашен терен ќе ја започне одбраната на титулата против Јанта Волеј, додека носителот на Купот и финалистот од минатогодишниот плеј-оф, Штип УГД, ќе му гостува на Сушево 1978.
Првото коло носи и два градски дерби дуели – Работнички 71&22 ќе го пречека Скопје, а Универзитет во Тетово ќе се соочи со амбициозната Шкендија. Во останатите натпревари, ГОК Борец ќе биде домаќин на Лирија, а Весна Пробиштип ќе игра против Македонија Џио.
Според пропозициите, првиот дел од сезоната ќе се игра по еднокружен систем со 11 натпревари. По завршувањето, првите шест тима ќе се пласираат во плеј-оф фазата, каде ќе ги пренесат бодовите и ќе играат двокружно. Првите четири потоа ќе обезбедат пласман во полуфиналето и битка за шампионскиот пехар. Екипите од 7. до 12. позиција ќе продолжат во плеј-аут фазата, каде ќе се борат за опстанок.
Новата сезона ќе започне на 25 октомври, а календарот е усогласен со ФИВБ и ЦЕВ, поради одржувањето на Светското првенство 2025 и Европското првенство 2026.
Прва лига – мажи, 1. коло:
-
Работнички 71&22 – Скопје
-
ГОК Борец – Лирија
-
Струмица 47&72 – Јанта Волеј
-
Универзитет во Тетово – Шкендија
-
Весна Пробиштип – Македонија Џио
-
Сушево 1978 – Штип УГД
