Македонската одбојкарска федерација го потврди составот на Втората лига – жени за новата сезона 2025/26, која ќе започне на 11 октомври. Натпреварувањето ќе брои 13 екипи, а лигата е збогатена со четири нови клубови – Шкупи од Скопје, Ново Село од истоименото место, како и Виола Волеј и ГОК Борец од Велес.
Ждрепката за натпреварувачките броеви го одреди и распоредот за премиерното коло. Дебитантот Шкупи е слободен во првото коло, додека Ново Село ќе го има своето деби пред своја публика против Вардар жени 2019. ГОК Борец исто така стартува дома против Македонија Макс, а Форца Волеј ЕМА ќе го пречека ЖОК Куманово. Виола Волеј ќе ги одмери силите со Виктори Волеј, Бами Кор ќе се соочи со Фламинго Волеј, а Универзитет во Тетово ќе игра против Јанта Волеј Бутел.
Според пропозициите, лигата ќе се игра во двокружен систем, со вкупно 26 кола (24 натпревари по тим). Најдобро пласираната екипа директно обезбедува промоција во Првата лига – жени за сезоната 2026/27, додека второпласираниот тим ќе игра бараж против деветтопласираната екипа од елитната конкуренција.
ВТОРА ЛИГА – ЖЕНИ, 2025/26 ПРВО КОЛО
Ново Село – Вардар жени 2019
ГОК Борец – Македонија Макс
Форца Волеј ЕМА – ЖОК Куманово
Виола Волеј – Виктори Волеј
Бами Кор – Фламинго Волеј
Универзитет во Тетово – Јанта Волеј Бутел
