Останато

Ѓорческа со пресврт до четвртфинале на W75 турнирот во Букурешт

Сподели
ФОТО: ТФСМ
Сподели

Македонската тенисерка Лина Ѓорческа обезбеди ново четвртфинале на W75 турнирот во Букурешт, откако во вчерашниот меч од второто коло ја совлада Италијанката Ноеми Басилети со 2-1 во сетови (3-6, 6-3, 6-4) по голема борба која траеше 130 минути.

Ѓорческа лошо го отвори мечот – по водството од 2:1 во првиот сет, дозволи серија од четири гема на Басилети и го загуби сетот со 3:6. Во вториот сет Италијанката имаше предност од 3:2, но македонската тенисерка возврати со серија од четири гема и израмни на 1-1 во сетови со 6:3.

Одлучувачкиот сет донесе голема неизвесност. Басилети поведе со 3:1, но Ѓорческа со три врзани гема направи пресврт за 4:3. При резултат 4:4, македонската тенисерка одигра најдобро кога беше најпотребно, доби два гема во низа и со 6:4 го осигура конечниот триумф, искористувајќи ја четвртата меч-топка.

Со оваа победа Ѓорческа обезбеди пласман меѓу најдобрите осум. Денес во четвртфиналето ќе игра против Финката Лаура Хиетаранта, која со 2-0 во сетови ја елиминираше Јулија Авдеева.

Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Ракомет

Пелистер ја врати неизвесноста во групата: по Гумерсбах, следува директен дуел со Гдањск

Победата над Гумерсбах со 29:28 ја промени европската перспектива на Еурофарм Пелистер. Битолчани стигнаа до три бода, а германскиот состав остана на четири...

Ракомет

Еден бод разлика: Алкалоид го чека Еурофарм Пелистер во Автокоманда

Алкалоид и Еурофарм Пелистер вечерва од 18 часот во салата Автокоманда ќе одиграат дерби што може да го промени распоредот веднаш зад водечкиот...

Поврзани написи
Останато

Струмица ја заврши европската приказна: подобар отпор, но Састамала повторно победи

Одбојкарите на Струмица го завршија настапот во Челенџ купот на ЦЕВ, откако...

Останато

55. „Златен гонг“ успешно реализиран, три бронзи за македонските боксери

Јубилејното 55. издание на меѓународниот боксерски турнир „Златен гонг“ успешно се одржа...

Останато

Карловарско ја продолжи соработката со македонскиот капитен Никола Ѓоргиев

Капитенот на машката одбојкарска репрезентација на Македонија, Никола Ѓоргиев, и во новата...

✕
error: Содржина е заштитена! Се забранува копирање на истата!