Фудбалската федерација на Македонија ги објави официјалните делегирања на судиите за петтото коло во Првата македонска фудбалска лига. Рундата ќе стартува во петок со два натпревари, ќе продолжи во сабота со уште два, а ќе заврши во недела со последните два меча, од кои два ќе се играат под рефлектори.
Колото ќе се отвори во петок попладне во Тетово, каде што Шкендија ќе го пречека Башкими од Куманово. Главен судија на овој меч ќе биде Бафто Фатмир, а ќе му помагаат Мишо Ѓорѓиески и Разме Бакрачески, додека четврти судија е Јован Качевски. ВАР судија е Стојанче Трпчевски, а АВАР – Мартин Петковски. Оператор за повторување е Дејан Костовски, делегат е Тони Николовски, а контролор Дејан Неделкоски.
Вечерниот термин во петок ќе донесе големо дерби на националната арена „Тодор Проески“, каде што ќе се сретнат Вардар и Македонија Ѓорче Петров. Судија на овој натпревар е Бењамин Ќерими, со помошниците Вјолца Изеири и Филип Ицковски, а четврти судија е Александар Урошевиќ. За ВАР ќе биде задолжен Пларент Салихи, а АВАР ќе биде Фуркан Идризи, додека оператор е Петар Мукоски. Делегат е Славчо Ѓорѓијоски, а контролор Сашо Лазаревски.
Во сабота од 15:30 часот ќе се одиграат два меча. Во Кратово, Силекс ќе ја пречека екипата на Работнички. Главен судија ќе биде Стојанче Трпчевски, со помош на Даниел Василевски и Бојан Иваноски, а четврти судија е Марјан Младеновски. За ВАР ќе биде задолжен Крумислав Ѓоргиев, додека АВАР е Ристе Сејменов. Оператор на снимката е Деан Стефков, делегат е Зоран Златановски, а контролор Тони Глигоров.
Истовремено во Струмица, на стадионот „Младост“, АП Брера ќе го пречека Шкупи. Главен судија е Доне Ристовски, со асистенти Тоше Ицев и Душко Панов, а четврти судија е Боби Величков. ВАР ќе го води Стојанче Стојанов, АВАР ќе биде Кристијан Џонов, а оператор Жарко Пејковски. Делегат на натпреварот е Тони Шалев, а контролор Крсте Даниловски.
Неделната програма започнува во 15:30 часот во Струга, каде што Струга Трим – Лум ќе игра против Тиквеш. Главен судија е Влатко Илиоски, со помошниците Дино Конески и Иле Мишески, а четврти судија е Кирил Смоквоски. На ВАР ќе биде Благојче Ралевски, а АВАР ќе биде Владимир Митревски, додека оператор е Виктор Васев. Делегат е Расим Муминовиќ, а контролор Игор Ширилов.
Колото ќе биде затворено вечерниот термин во Битола, каде што на „Петар Милошевски“ ќе се сретнат Пелистер и Арсими. Судија на овој натпревар е Александар Грујоски, со помошниците Куштрим Лика и Давор Цветаноски, а четврти судија е Владимир Ѓорѓиевски. ВАР судија е Никола Костенчев, а АВАР повторно е Фуркан Идризи. Оператор за повторување е Диме Димовски, делегат Гоце Шопоски, а контролор Дејан Јакимовски.
Со ова, ФФМ уште еднаш ја потврди целосната организација на сите натпревари, со детално определени судии, делегати и контролори за сите шест натпревари од петтата рунда во најсилната македонска фудбалска конкуренција.
