Третото коло од Втората македонска фудбалска лига донесе вистински голеади и драматични моменти, откако на седум натпревари беа постигнати вкупно 29 погодоци.
Детонит Плачковица со минимална, но голема победа
Во Радовиш, Детонит Плачковица ја совлада Слога Виница со минимални 1:0, благодарение на голот на Сашо Дуков. Натпреварот беше израмнет и полн со неизвесност, а двата тима пропуштија по неколку изгледни шанси за гол.
Преспа ја декласира Победа со „петарда“
Преспа стигна до првата сезонска победа со убедлив 5:0 триумф над Победа. Херој на мечот беше Давид Карамачоски, кој постигна хет-трик, а во листата на стрелци се запишаа и новото засилување Амир Фејзулаи и искусниот Нико Пластиновски.
Охрид го скрши отпорот на Осогово
На „Билјанини Извори“, Охрид во вториот дел успеа да го скрши отпорот на Осогово и да слави со 2:0. Искусниот Антонио Каланоски го отвори резултатот во 55. минута, а Иван Глигоров во 84. минута ги постави конечните 2:0. За „жетварите“ од Кочани ова беше прв пораз сезонава.
Беласица со највисока победа сезонава
Беласица ја забележа најубедливата победа во новата сезона, откако на гостувањето кај Големо Коњари славеше со 1:7. Резултатот го отвори Бојан Спиркоски од пенал, а новото засилување на струмичани постигна хет-трик и блесна на теренот.
Домашниот тим успеа да израмни на 1:1 преку Илчо Митрески, но автоголот на Михо Андреевски донесе ново водство за Беласица пред полувреме. Во продолжението, Александар Коцев погоди двапати, Спиркоски го заокружи својот втор погодок, а Александар Милушев во 83. минута ја потврди убедливата победа.
Драма на „Железарница“ – Дани спасител на Шкендија Арачиново
На стадионот „Железарница“ беше вистински трилер. Скопје водеше со 2:0 со головите на Виктор Ангелов и Александар Богданоски, но Шкендија Арачиново успеа да се врати.
Александар Ѓорѓиески намали на 2:1 во 63. минута, а во 90. минута херојот Мргим Дани постигна гол за конечни 2:2 и поделија бодови.
Кожуф блеска, Саса под притисок
Кожуф продолжува со одличните партии и на гостувањето кај Каменица Саса славеше со 1:3. Фантастичен гол на Петар Гугуљанов во 28. минута го отвори резултатот, а Веби Ислами, новото засилување на гевгелчани, со два брзи гола до полувреме го зголеми водството на 0:3.
Во вториот дел, Андреј Симевски успеа да го ублажи поразот, но Саса останува во долниот дел на табелата и предводството на тренерот му следуваат тешки предизвици.
Новаци со важна победа над Вардар Неготино
Новаци славеше важна домашна победа над Вардар Неготино со 3:2. Новиот генерален спонзор Евротип веќе внесува свежина во клубот, а тимот на Дарко Крстески одигра офанзивно и ефикасно.
Стефан Јовановски погоди од пенал во 32. минута, а Антонио Марцевски зголеми на 2:0 пред полувремето. Во вториот дел, повторно Јовановски стрелаше за високи 3:0, но гостите не се предадоа.
Ѓорѓи Шишков намали на 3:1, а Насаф Шабанов од пенал во 82. минута донесе неизвесност за крајните 3:2. Во 93. минута, домашниот играч Блаже Ставров заработи втор жолт картон и беше исклучен.
Комплетирање на колото
Третото коло ќе биде комплетирано во понеделник со дербито меѓу Брегалница и Тетекс, кое ќе се игра во Штип.
- ЦЕЛОСНА ТАБЕЛА ВО ВТОРАТА ЛИГА НА СПОРТСКА МРЕЖА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК БЕЛАСИЦА АД 🔼 | 3 | 2 | 1 | 0 | 11 | 4 | +7 | 7 |
| 2 | ЗФК Шкендија Арачиново 77 🔽 | 3 | 2 | 1 | 0 | 7 | 3 | +4 | 7 |
| 3 | ФК КОЖУФ ГЕВГЕЛИЈА 🔼 | 3 | 2 | 1 | 0 | 5 | 1 | +4 | 7 |
| 4 | ФК ДЕТОНИТ ПЛАЧКОВИЦА 🔼 | 3 | 2 | 0 | 1 | 7 | 3 | +4 | 6 |
| 5 | ЗФК НОВАЦИ 2005 🔼 | 3 | 2 | 0 | 1 | 5 | 4 | +1 | 6 |
| 6 | ФК БРЕГАЛНИЦА 2008 АД 🔽 | 2 | 1 | 1 | 0 | 2 | 0 | +2 | 4 |
| 7 | ГФК ОХРИД ЛИХНИДОС 🔼 | 3 | 1 | 1 | 1 | 4 | 3 | +1 | 4 |
| 8 | ГФК ОСОГОВО 🔽 | 3 | 1 | 1 | 1 | 3 | 3 | 0 | 4 |
| 9 | ФК СКОПЈЕ АД ➖ | 3 | 1 | 1 | 1 | 5 | 5 | 0 | 4 |
| 10 | ФК СЛОГА 1934 🔽 | 3 | 1 | 0 | 2 | 5 | 3 | +2 | 3 |
| 11 | ФК ПРЕСПА 🔼 | 3 | 1 | 0 | 2 | 5 | 5 | 0 | 3 |
| 12 | ФК ТЕТЕКС 1953 🔽 | 2 | 1 | 0 | 1 | 4 | 4 | 0 | 3 |
| 13 | ГФК ВАРДАР Неготино 🔽 | 3 | 1 | 0 | 2 | 4 | 6 | -2 | 3 |
| 14 | ФК КАМЕНИЦА САСА 🔽 | 3 | 0 | 2 | 1 | 4 | 6 | -2 | 2 |
| 15 | ФК ПОБЕДА АД 🔽 | 3 | 0 | 1 | 2 | 2 | 9 | -7 | 1 |
| 16 | ФК ГОЛЕМО КОЊАРИ ➖ | 3 | 0 | 0 | 3 | 2 | 16 | -14 | 0 |
