Охрид доби нов фудбалски терен со природна треба кој е лоциран во рамки на комплексот на поранешната касарна, а кој од денес започнува да функционира.
На овој фудбалски терен ќе настапува третолигашот Света Тројца, кој игра во Трета лига – Југозапад, а истиот е ставен во функција и за потребите на ООУ „Кочо Рацин“, но и за сите рекреативци.
Како што рече градоначалникот на Охрид, Кирил Пецаков, во наредниот период теренот ќе се огради и ќе се постават монтажни трибини.
„Изминатиов период екипи на ЈП „Билјанини извори“ активно работеа на оспособување на теренот со садење на нова трева, инсталација на наводнување, поставување на реквизити. Во наредниот период теренот ќе се огради и ќе се постават монтажни трибини. Овој терен е ставен во функција за потребите на ООУ „Кочо Рацин“, фудбалскиот клуб „Св. Тројца“, но и за сите рекреативци. Продолжуваме со создавање содржини во поранешната касарна, кои придонесуваат за подобри услови за живеење, особено на жителите од овој дел на градот“, рече градоначалникот Пецаков.
Со пуштањето во функција на овој фудбалски терен продолжува создавањето содржини во поранешната касарна, а во сама близина на овој фудбалски терен е и голф теренот.
