Фудбалската федерација на Македонија (ФФМ) донесе одлука за распределба на дополнителни средства од солидарната шема на УЕФА за натпреварувачката сезона 2024/25. Вкупниот износ од 101.000 евра ќе биде поделен подеднакво меѓу девет клубови од Првата македонска фудбалска лига.
Според одлуката на Управниот одбор, средствата се наменети исклучиво за клубовите кои оваа сезона активно се натпреваруваат во елитното друштво. ФК Воска Спорт, ФК Гостивар и ФК Беса, кои го откажаа своето учество во лигата, нема да бидат опфатени со оваа распределба.
Со оваа финансиска поддршка, ФФМ и УЕФА имаат цел да им помогнат на македонските клубови во покривање на дел од трошоците за натпреварување и организација, како и да го подигнат квалитетот на домашниот шампионат.
