Управниот одбор на Фудбалската федерација на Македонија (ФФМ) ја прифати оставката на Васко Скендеровски од функцијата селектор на македонската футсал репрезентација.
„Фудбалската федерација на Македонија му се заблагодарува на долгогодишниот предводник на футсал селекцијата за неговиот придонес и посветеност во развојот на македонскиот футсал“, велат од ФФМ.
Нов селектор на македонската А футал репрезентација е Газмент Исеини, тренерот на актуелниот шампион и освојувач на Купот на Македонија, Форца од Куманово.
Исеини има големи успеси со Форца изминатите сезони, откако во низа веќе двапати ја освојува двојната круна, а играше и во главнафа квалификациска рунда во Лигата на шампионите.
Во изминатите години, беше дел од стручниот штаб во А футсал репрезентацијата.
