Поранешниот младински репрезентативец на Македонија, Али Адем, го напушти ФК Шкупи по само еден месец редовна игра. Тој ти три пати беше повратник во тимот на Шкупи, но сега има нов тим.
Новата дестинација на 24-годишниот дефанзивен играч за врска е Македонија Ѓорче Петров – повратникот во елитното друштво кој оваа сезона има за цел да обезбеди сигурен опстанок. Со своето долгогодишно искуство, стекнато и на домашната и на меѓународната сцена, Адем се очекува да биде значајно засилување за „лавовите“.
Адем својата професионална кариера ја започна во Вардар, а во своето досегашно фудбалско патешествие настапуваше и за грчките клубови Арис и Верија, потоа за Фљамуртари од Албанија, како и во повеќе наврати за Шкупи.
Македонија ЃП новата сезона ја отвори со два порази по првите две кола во ПМФЛ, а првата можност за позитивен резултат ќе ја има овој викенд во дуелот против Силекс во 17:00 часот во сабота во Кратово.
