Вечерва на турнирот во мал фудбал “Подареш 2025” се одиграа нови три натпревари, а кои понудија многу погодоци и доминантни победи.
Во првиот меч “шлеперите” на Конзул Транс го “прегазија” Инсајд Стил со тешки 7:1, во моќен меч на радовишкиот тим со што тимот претендира за првото место и освојување на турнирот.
Во вториот натпревар тимот на Оливер Промет тргна одлично откако на полувреме имаше 3:0 водство против Оптимус, но во вториот дел Оптимус го намали резултатот на 3:2, па со тоа се разгори ситуацијата во последните седум минути од мечот, а потоа донесе нова доза неизвесност и кај публиката.
Тимот на Оливер Промет на шест минути до крајот постигна гол за 4:2, а со тоа беше поставен и конечниот резултат за триумф на Оливер Промет.
Во последниот меч се соочија Ас Мк Подареш со Дивино, а исходот беше 0:5.
Утре (петок) е слободен ден на турнирот, а натпреварите продолжуваат во сабота.
Спортска Мрежа годинава по првпат е медиумски покровител на турнирот во мал фудбал во Подареш.
