Вечерва љубителите на малиот фудбал имаа можност да уживаат во уште една извонредна фудбалска програма на „Богородица Куп 2025“.
Во првиот натпревар, Кафе бар Лавадо приреди убедлива победа над Новапор со резултат 6:0, демонстрирајќи одлична форма и ефикасност. Следеше дуелот помеѓу Чардак Велгошти и Македонија, во кој тимот од Велгошти славеше со 3:1 во натпревар исполнет со динамика и пожртвуваност.
Третиот меч беше вистински трилер – Сатеска успеа да го победи Ескобар со тесен резултат од 5:4, откако натпреварот изобилуваше со пресврти и атрактивни акции.
Вечерта заврши со службена победа на Брумел (1:0) против Ресорт Бате боле, поради неиграње на противникот.
Турнирот продолжува со уште поинтересни дуели во наредните денови, а публиката во Волино останува гладна за нови фудбалски спектакли.
Спортска Мрежа годинава по првпат е медиумски покровител на овој спортски настан.
