Екипата на Огражден од Ново Село продолжува со градењето на ростерот за новата сезона, а како најново засилување е претставен Миле Ѓеоргиев, кој треба да донесе искуство во тимот.
35-годишниот фудбалер од Струмица има големо искуство настапувајќи за Напредок Здравје од Радово, екс прволигашот Хоризонт Турново, Василево, Спартмани, Малеш и последно Тиверија.
Екипата од Ново Село промовираше десеттина нови засилувања со кои значително го подига квалитетот.
Како што веќе објави Спортска Мрежа покрај Ѓеоргиев, клубот ги промовираше Роберт Јанев, Јован Дрвошанов, Ристе Грендов, Мирче Стоилов, Драган Дојчинов, Адам Зимбаков, Костадин Наковски, Александар Коцев, Никола Јарков, Спасе Терзиев и Никола Трајков.
