По неколку години пауза, ФК Победа Валандово се враќа на фудбалската карта на Македонија! Од сезоната 2025/26, клубот ќе се натпреварува во Трета лига – Исток, а подготовките за новото поглавје траат веќе повеќе од еден месец. Победа беше првиот третолигаш што стартуваше со тренинзи и веќе одигра неколку контролни натпревари со второлигаши.
Враќањето на публиката на градскиот стадион во Валандово е вистински празник за градот – Победа повторно е гордост на валандовскиот спорт. Клубот е целосно реорганизиран, поставувајќи темели врз млади и талентирани фудбалери, професионална управа и јасна стратегија за развој.
Во тек се и значителни подобрувања на условите на стадионот, со цел да се обезбеди квалитетно искуство и за играчите и за гледачите.
Во пресрет на новата сезона, клубот ги промовираше новите дресови, дизајнирани со љубов и страст кон традиционалните плаво-бели бои. Дресовите се достапни по симболична цена од 2.000 денари, а сите собрани средства ќе бидат насочени кон поддршка на клубот и неговиот понатамошен развој.
Сите љубители на Победа и оние кои сакаат да придонесат за нејзината иднина можат да набават оригинален дрес преку официјалната Facebook страница на клубот.
