Со вчерашното извлекување на ждрепката познат е распоредот за новата сезона во Првата женска фудбалска лига за сезона 2025/2026.
Како што веќе објави Спортска Мрежа, новата сезона започнува на 17 август, а веќе и го најавивме првото воведно коло со кое се отвара новаат сезона. Но, да го погледнеме и распоредот и што ќе понуди новата сезона.
Второто коло ни го носи дербито во Македонска Каменица помеѓу поранешниот шампион Каменица Саса и актуелниот шампион Љуботен од Тетово.
Шестото коло го носи дербито меѓу Тиверија Брера и Каменица Саса во Струмица, а пак во седмото коло во Тетово ќе се соочат вицешампионот Тиверија Брера и актуелниот шампион Љуботен.
Во однос на новата сезона екипата на Кочани е повратник во лигата, а од истата испаѓа последната екипа, додека пак претпоследната екипа игра бараж за опстанок со второпласираниот второлигаш.
Во однос на првото коло како што веќе објави Спортска Мрежа, актуелниот шампион Љуботен одбраната на титулата ја започнува на домашен терен против Истатов, Ас Јунајтед ќе биде домаќин на Атлетико, во Битола екипата на Топ Гол ја чека струмичка Тиверија Брера.
Скопје ќе го пречека повратникот Кочани, а пак Речица ќе игра со Каменица Саса на домашен терен.
