Познат е официјалниот распоред на натпревари на годинешното 53. издание на Струшкиот турнир. Имено, натпреварите ќе се играат од 13 до 16 Август. Учествуваат македонските екипи- Струга, Охрид, Бутел и Тиквеш, а меѓу гостите се екипите на Раднички од Србија, како и турската екипа Бурса.
Првиот ден, турнирот стартува со вечното ,, Езерско дерби ”, кое ќе се игра во 18:30 часот. Подоцна, следува официјалното свечено отворање на турнирот во 19:55 часот, а првиот ден завршува со средба помеѓу Бутел и Раднички, од 20:40 часот.
Вториот ден, на програмата се два натпревари. Во 18:30 на ракометното игралиште ,, Горан Попоски- Бабец ”, во Струга, ќе се соочат Тиквеш и Раднички, а подоцна, во 20:40 часот, силите ќе ги одмерат Охрид и турскиот претставник- Бурса.
Третиот ден започнува со натпревар помеѓу домаќините со Бурса во 18:30 часот, додека пак нешто подоцна, во 20:40 часот ќе играат екипите на Тиквеш и Бутел.
Последниот ден од турнирот, на 16 Август, публиката ќе има можност да ужива во три натпревари- натпреварот за 5-то место во 10:30, потоа следува натпреварот за 3-то место во 18:30, и вечерниот термин од 20:40 часот е резервиран за финалето.
Турнирот ќе биде одлична можност за темпирање на формата и воигрување на учесниците пред почетокот на новата сезона, а публиката ќе има одлична можност да ужива во одличен ракомет.
