Подготовките за 53. издание на традиционалниот ракометен турнир во Струга се веќе при крај, а организаторите активно работат на финализирање на сите детали за еден од најдолговечните турнири во Европа.
Веќе се познати и официјалните претставници кои ќе бидат задолжени за деветте натпревари покрај Eзерото – судиски парови и делегати.
На листата се наоѓаат искусните ЕХФ судии Димитар Митревски и Благојче Тодоровски, дуото Методија и Михајло Илиевски, како и парот Виктор Андонов и Стојанче Јовановски.
Како делегати на турнирот ќе настапат Камер Металари, Душко Камишевски, Славчо Каланоски и Марјан Огњановски.
Оваа година на отвореното игралиште „Горан Попоски Бабец“ ќе настапат вкупно шест екипи – четири од Македонија и две од странство.
