Фудбалскиот клуб Големо Коњари, нов член на Втората македонска фудбалска лига, ги пушти во продажба сезонските билети за натпреварувачката сезона 2025/2026. Цената на еден билет изнесува 1.000 денари.
Со оваа иницијатива, од клубот ги повикуваат сите навивачи и симпатизери да го поддржат тимот, при што секоја купена карта претставува директна финансиска поддршка и мотив за играчите во пресрет на предизвиците што ги носи повисокото ниво на натпреварување.
Сезонските билети може да се набават во клупските простории или преку контакт телефонскиот број 076-361-586 (Љупчо Бумбароски).
Во изминатата сезона, екипата на Големо Коњари беше шампион во Третата лига – Југ, со што обезбеди пласман во второлигашката конкуренција.
Новата сезона клубот ја отвора на домашен терен, каде ќе го пречека тимот на Детонит Плачковица.
