Денес ќе се комплетира седмата рунда на Втората македонска фудбалска лига со мечот во Струмица под рефлектори меѓу Беласица и Пелистер, дуел од голема важност и за двете екипи.
Беласица ќе бара победа по повеќе од еден месец и прекин на низата од четири ремија, а пак Пелистер со победа ќе биде нов лидерот во Втората лига, откако Охрид ремизираше со Брера на домашен терен.
Битолчани на овој меч влегуваат со 14 бодови, а пак Беласица со десет на своето конто. Доколку трите бодови останат во Струмица, Беласица одново ќе биде на петтото место, но бодовно ќе биде блиску до врвто, додека пак Пелистер, со победа, ќе има 17 бодови и ќе значи прво место.
Влатко Илиоски ќе биде главен судија, а ќе му помагаат Борис Трајков и Дино Конески, а пак Кирил Смоквоски ќе биде четврти судија.
Средбата се игра на стадионот „Благој Истатов“ во Струмица од 18 часот.
