Прва лигаФудбал

Емрах Макиќ – ново засилување за Брера пред стартот на новата сезона

Сподели
ФОТО: ФК Брера Струмица
Сподели

Екипата на АП Брера Струмица продолжува со засилувањата за новата сезона во Првата македонска фудбалска лига, а ново име во тимот е босанскиот фудбалер Емрах Макиќ.

Макиќ е 24-годишен играч кој настапува во дефанзивниот дел од средниот ред, а доаѓа од редовите на босанскиот второлигаш ОФК Градина од Сребреник. Во својата кариера има настапувано и за неколку други клубови во Босна и Херцеговина, меѓу кои: Бихач, Раднички Лукавац и Горажде, а беше дел и од младинските категории на Сараево и Јајце. Една сезона има настапувано и во хрватскиот фудбалски шампионат, што претставува дополнително искуство кое ќе му користи во новата средина.

Новиот играч веќе се приклучи на тренинзите со струмичкиот прволигаш и се очекува да биде една од опциите во тактичките планови на тренерскиот тим. Управата на клубот, предводена од новиот спортски директор Зоран Балдовалиев, активно работи на консолидирање на ростерот во последните денови од преодниот рок.

Првенството започнува веќе овој викенд, а Брера во првото коло ќе се соочи со Силекс. Тимот влегува во сезоната со јасна цел – обезбедување опстанок и стабилност во елитата, а новите засилувања, меѓу кои и Макиќ, треба да дадат свој придонес кон таа мисија.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Кошарка

МЗТ Скопје доби нов тренер – искусниот Дејан Мијатовиќ го презема македонскиот шампион!

Актуелниот македонски кошаркарски шампион МЗТ Скопје Аеродром го реши прашањето околу новиот шеф на стручниот штаб. Искусниот српски стратег Дејан Мијатовиќ е назначен...

Останато

Македонскиот шампион Штип УГД го „прегази“ Работнички за огромна радост на штипјани во „Џексон“

Македонскиот шампион Штип УГД забележа огромна победа над Работнички од Скопје со максимални 3:0 во сетови во рамките на 4. коло на Првата...

Поврзани написи
Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската...

ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

✕
error: Содржина е заштитена! Се забранува копирање на истата!